തന്റെ കീഴില് മറ്റൊന്നിനെയും വളരാന് അനുവദിക്കാത്ത , എല്ലാം തന്റെ കാല്ക്കീഴില് മാത്രമാവണമെന്ന ദുശ്ശാട്യം കാണിക്കുന്ന വന്മരങ്ങള് കൊണ്ട് നാടിനും നാട്ടുകാര്ക്കുമെന്ത് പ്രയോജനം ??
.
ഒന്നുമില്ല,
ക്ഷണികമായ പ്രയോജനങ്ങള്ക്കപ്പുറം ഒന്നുമില്ല.
.
അധികാരത്തിന്റെ കോട്ട കൊത്തളങ്ങള് സംരക്ഷിക്കാനും തനിക്കു നേരെയുയരുന്ന ചൂണ്ടുവിരലുകളെ ഇല്ലാതാക്കാനും കാലാളുകളാണ് ഏറ്റവും മികച്ച ആയുധമെന്ന് മനസ്സിലാക്കി, അവര്ക്കായി എറിഞ്ഞു കൊടുക്കുന്ന അപ്പക്കഷണങ്ങള് മാത്രമാണ് ആ പ്രയോജനങ്ങള് എന്ന് മനസ്സിലാക്കാന് അത്രയും ചിന്തിക്കേണ്ട ആവശ്യമെന്ത് ....??
.
സര്വ്വവും തന്റെ മുന്നില് സാഷ്ടാംഗ പ്രണമിക്കണമെന്നു വാശിപിടിച്ച, ജനാധിപത്യത്തെ ചവിട്ടി മെതിച്ച, ഒരിക്കല് പോലും ജനങ്ങളോട് അടുത്തു ഇടപഴകിയിട്ടില്ലാത്ത, ഏകാധിപതികളാണ് പാവങ്ങളുടെ രക്ഷകരായി വാഴ്ത്തപ്പെടുന്നത് ..!!!
.
വെട്ടിപ്പിച്ചും ചവിട്ടി മെതിച്ചും വാരിക്കൂട്ടിയ സമ്പത്തിന്റെയും ആര്ഭാടങ്ങളുടെയും പേരില് വിചാരണ ചെയ്യപ്പെടുമെന്ന് ഉറപ്പായപ്പോള്, , ജനതയുടെ വികാരത്തെ ചൂഷണം ചെയ്യാന് മാത്രമുള്ള സൗജന്യങ്ങള് വാരി വിതറി അവരെ കൂടെ നിര്ത്താന് കൌശലം കാണിക്കുന്നതില് ഏകാധിപതികളോക്കെയും മിടുക്കരാണ്
ഏകാധിപതികള് ന്യായീകരിക്കപ്പെടുന്നത് ‘...അവര് അത്രയെങ്കിലും ചെയ്തല്ലോ..’ എന്ന സ്വയം സമാധാനത്തിലൂടെയാണ്. അപരന്റെ കയ്യിലിരിക്കുന്ന നോക്കിയല്ല; തനിക്കു കിട്ടിയതിനെയോര്ത്തു അഭിമാനിക്കേണ്ടത് , മറിച്ചു തനിക്കര്ഹതപ്പെട്ടത് ലഭിച്ചുവോ എന്ന് പരിശോധിച്ചാണ്.
വെള്ളിത്തിരയിലെ കഥാപാത്രങ്ങളെ വിഗ്രഹങ്ങളാക്കുന്നവര് മുതല് ഇങ്ങു MLA/MP ഫണ്ടില് നിന്ന് ബസ്റ്റ് സ്റ്റോപ്പ് കെട്ടുന്നത് പോലും കൊട്ടിഘോഷിക്കുന്ന ‘പ്രബുദ്ധ ജനതയും’ സ്വയം മനസ്സിലാക്കേണ്ടത് അതൊന്നും അവരുടെ കുടുംബസ്വത്തില് നിന്ന് കൊണ്ട് വന്നതല്ലെന്നും തനിക്കു അവകാശപ്പെട്ടതാണെന്നുമാണ്.
.
അധികാരം നില നിര്ത്താന് എന്തും ചെയ്യുന്നവരാണോ നേതാവ് ??
ഒരാള് യഥാര്ത്ഥ നേതാവാകുന്നത് എപ്പോഴാണ്...??
.
സര്വ്വ അധികാരങ്ങളും തന്നില് കേന്ദ്രീകരിച്ച്, സ്വയം വിഗ്രഹങ്ങളായി മാറി, ആജ്ഞാനുവര്ത്തികളെയും അടിയാളന്മാരെയും ശ്രുഷ്ടിക്കുമ്പോഴല്ല ,
മറിച്ചു അണികള് ഓരോരുത്തരേയും നേതാക്കളാക്കി മാറ്റുമ്പോഴാണ്...!!
.
തീര്ച്ചയായും തനിക്കു ശേഷം പ്രളയം എന്ന് ചിന്തിക്കുമ്പോഴല്ല ,
തന്റെ അസാനിധ്യത്തിലും നിലനില്ക്കാന് കഴിയുന്ന വ്യവസ്ഥ ഉണ്ടാക്കിയെടുക്കുമ്പോഴാണ്.
.
തന്റെ സാനിധ്യത്തില് മാത്രം നിലനില്ക്കാന് കഴിയുന്ന പ്രസ്ഥാനത്തിന്റെയോ ജനതയുടെയോ ആരാധ്യരാവുമ്പോഴുമല്ല;
ജനതയുടെ അടിസ്ഥാന പ്രശ്നങ്ങള് പരിഹരിക്കാന് ദീര്ഘവീക്ഷണത്തോടെയുള്ള പദ്ദതികള് ആവിഷ്കരിച്ച് അവരെ സ്വയം പര്യാപ്തമാക്കുമ്പോഴാണ്....
.
അധികാരവും സമ്പത്തും വെട്ടിപ്പിടിക്കാന് സര്വ്വവും ചവിട്ടി മെതിച്ച് അശ്വമേധങ്ങള് നടത്തിയ എകാധിപതികള് കാലത്തിന്റെ കുത്തൊഴുക്കില് കടപുഴകി വീണുകഴിയുമ്പോള് അവര് നേടിയെടുത്തതും നാമാവശേഷമാകും,
.
കല്ലിന്മേല് കല്ല് ശേഷിക്കാതെ ...!!
.
കാലം സാക്ഷി..!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ