കുറച്ചു ദിവസങ്ങള്ക്കു മുമ്പ് പ്രബുദ്ധരായ ജനങ്ങളുള്ള ഒരു നാട്ടിലെ റെയില്വേ സ്റ്റേഷനില് വച്ചു ഒരു സ്ത്രീയും പുരുഷനും കൂടി വഴക്കിട്ടു ..
ആരും ഇടപെട്ടില്ല...
സദാചാരക്കാരും സംസ്ക്കാര സമ്പന്നരും നോക്കി നിന്നു ..
കുറച്ചു നേരത്തിനകം ആ സ്ത്രീ പച്ച ജീവനോടെ കത്തിയെരിഞ്ഞു ..!!
ആരെങ്കിലും ഒന്ന് ഇടപെട്ടിരുന്നെങ്കില്...ഒരു പക്ഷെ ...
...........
അതി ജീവനത്തിനു വേണ്ടി കുറച്ചു പേര് നില്പ്പ് സമരം നടത്തുന്നു ..
ആരും അത് കാണുന്നില്ല ...
പോസ്റ്റുകളും കമന്റുകളും അധികമില്ല...!!
ഇടപെടാന് ആര്ക്കും താല്പര്യമില്ല ....
...................
അപകടത്തില് പെട്ട് ആരെങ്കിലും രക്തം വാര്ന്നു കിടക്കുമ്പോള്
നമ്മള് കാണാതെ പോകുവാന് ഇഷ്ടപ്പെടുന്നു...
പക്ഷെ, രണ്ടു ജോഡി ചുണ്ടുകള്ക്കിടയില് നമ്മള് ....??
.......................
ഇടപെടേണ്ടത്തില് തന്നെയാണോ നമ്മള് ഇടപെടുന്നത് ???
അറിഞ്ഞുകൂടാ...
എതിലൊക്കെയാണ് നമ്മള് ഇടപെടേണ്ടത് ??
അതും അറിഞ്ഞുകൂടാ ...
എങ്കിലും ഇതില് ഞാനും ഒന്ന് ഇടപെടുകയാണ്.
ഒരു ഭാര്യയും ഭര്ത്താവും അല്ലെങ്കില് ഒരു യുവാവും യുവതിയും ഒന്നിച്ചിരിക്കുമ്പോള് അതിലേക്കു ഭൂതക്കണ്ണാടി വച്ച് നോക്കി ഇടപെടുന്ന, അവരെ ചോദ്യം ചെയ്യുന്ന സദാചാരക്കാരെ ഒരിക്കലും നമ്മുക്ക് അനുവദിക്കാന് വയ്യ .
ഞാനും യോജിക്കുന്നു ..
ഒരു ചുംബനം ഇവിടെ ഒരു ആകാശത്തിനും ഭീഷണി അല്ല ...
പക്ഷെ നിഷേധിക്കപ്പെട്ട ഏതു അവകാശത്തിനു വേണ്ടിയാണ് നമ്മള് വിലപിക്കുന്നത് ..??
നിങ്ങള് പറയുന്നു-
പൊതു സ്ഥലത്ത് വച്ചു സുഹൃത്തിന് സുഹൃത്തിനെ ചുമ്പിക്കാനുള്ള അവകാശത്തിനു വേണ്ടി
അച്ഛന് മകളെ ചുമ്പിക്കാനുള്ള അവകാശത്തിനു വേണ്ടി,
സഹോദരന് സഹോദരിയെ ചുമ്പിക്കാനുള്ള അവകാശത്തിനു വേണ്ടി
വേണം ..
എപ്പോഴൊക്കെയാണ് അച്ഛന് മകളെ പൊതുസ്ഥലത്ത് വച്ചു ചുംബിക്കാന് തോന്നുക ...?? (ചെറിയ കുട്ടികള് ആവുമ്പോള് ആര്ക്കും പരാതി ഇല്ലല്ലോ )
മകള് ഒരു വിജയം കയ്യില് ഒതുക്കി വരുമ്പോള് ...
വിവാഹിതയായി പടിയിറങ്ങുമ്പോള്...
അകലങ്ങളിലേക്ക് യാത്ര പറഞ്ഞു പോകുമ്പോള്...
ആശുപത്രിയുടെ ഇടനാഴിയില് വച്ചു ???
ഒരു അപകടത്തില് നിന്ന് രക്ഷപ്പെട്ടു വരുമ്പോള് ???
ഈ അവസരങ്ങളില് എവിടെ വച്ചായാലും ചുംബനത്തിനോ ആലിംഗനത്തിനോ ഇടയില് ഏതെങ്കിലും സദാചാരക്കാരന് അവന്റെ എതിര്പ്പുമായി വരുമെന്ന് നിങ്ങള് കരുതുന്നുണ്ടോ ???
ഒരു സഹോദരന് തന്റെ സഹോദരിയെ ഈ അവസരങ്ങളില് ചുംബിക്കുമ്പോള്
അവിടെ എന്തെങ്കിലും എതിര്പ്പ് നിങ്ങള് പ്രതീക്ഷിക്കുന്നുണ്ടോ ???
ഒരു ഭര്ത്താവിനും ഭാര്യക്കുമിടയിലാണെങ്കില് നിങ്ങള് എന്തെങ്കിലും കോലാഹലങ്ങള് കാണുമോ ???
ഇല്ല..ഒരിക്കലും ഇല്ല ...
.
.
ഇപ്പോള് നിങ്ങള് പറയുന്നു, നമുക്ക് വേണ്ടത് സൌഹൃദ ചുംബനത്തിനുള്ള അവകാശമാണെന്ന് ... അതില് കാമമില്ലെന്ന്…
ആണും ആണും പെണ്ണും പെണ്ണും തമ്മിലുള്ള സൌഹൃദത്തില് വിവാദങ്ങള് ഒന്നുമില്ലല്ലോ
ആണും പെണ്ണും തമ്മില് ആവുമ്പോള് മാത്രമാണ് പ്രശ്നങ്ങളുടെ കുത്തൊഴുക്ക് ...
എപ്പോഴാണ് കാമമില്ലാത്ത, മാംസ നിബദ്ദമല്ലാത്ത സൌഹൃദ ചുംബനങ്ങലും ആലിംഗനങ്ങളും ഉണ്ടാവുന്നത് ..
കാണുന്ന നിമിഷം ..!!
അല്ലാതെ അത് ഏതെങ്കിലും കോഫീ ഷോപ്പിന്റെ കെട്ടി ഉയര്ത്തിയ മതിലുകളുടെ മറവിലല്ല...!!
തുറന്നു വച്ച കുടയുടെ നിഴലില് അല്ല ...!!
പരസ്പരം കാണുന്ന ആ നിമിഷത്തില് മാത്രം, ഒരു മറ തേടിയല്ല ഒരിക്കലും..
സൌഹൃദ ആലിംഗനങ്ങള് ഹ്രസ്വമായാണ് കാണാറുള്ളത്.
അല്ലാതെ നമ്മള് ഏവരും കണ്ടത് പോലെ ഇഴുകി ചേര്ന്ന്,കെട്ടി പുണര്ന്ന് അല്ല ..
.
നിങ്ങള് പിന്നെയും ചോദിക്കുന്നു ..
മറ്റു പല മെട്രോകളിലും ചോദ്യം ചെയ്യപ്പെടാത്ത സൌഹൃദങ്ങള് എന്തുകൊണ്ട് നമ്മുടെ നാട്ടില് ചോദ്യം ചെയ്യപ്പെടുന്നു ??
കണ്ടിട്ടുണ്ട്, പല നഗരങ്ങളിലെയും കുപ്രസിദ്ദങ്ങളായ പല പാര്ക്കുകളിലും കഫെ ഷോപ്പുകളിലും ഇങ്ങനെ “സൗഹൃദം” ഇഴുകിച്ചേര്ന്നു പങ്കു വെക്കുന്നവരെ ..
ഈ “പങ്കു വെക്കലുകള്” നടക്കുന്നത് അവധി ദിവസങ്ങളില് ആവാറില്ല ..സായഹ്നങ്ങളിലും അല്ല ..
അവ നടക്കാറു സാധാരണ പ്രവര്ത്തി ദിവസങ്ങളിലെ കോളേജ് സ്കൂള് സമയങ്ങളില് ആണ് ..!!!
ഈ “സൗഹൃദം” ചുബനങ്ങളിലോ വെറും ആലിംഗനങ്ങളിലോ തീരുന്നില്ലെന്ന് എന്നെപ്പോലെ നിങ്ങള്ക്കും അറിയാം..!!
.
..........................
“നീ മര്യാദക്കിരുന്നേ, ആരെങ്കിലും കാണും “
പറയുന്നത് ആരെങ്കിലും കാണുന്നത് മാത്രം പ്രശ്നം ആയതുകൊണ്ടല്ല ...
അവള് പ്രകടിപ്പിക്കുന്നത് അവളുടെ അനിഷ്ടം കൂടിയാണ് ...
ഉയര്ത്തികെട്ടിയ മറകള് തുറന്നു വച്ച കുടയും അതും പറയാന് വയ്യാതാക്കുന്നു ...!!
..........................
( Kiss of love സംഘാടകന് പറയുന്നു പ്രതിഷേധത്തിനു വരുന്നവര് എല്ലാം ചുംബിക്കണം എന്ന് നിര്ബന്ധമില്ലെന്ന്.
പ്ലക്കാര്ഡും പിടിച്ചു കൂടെ നിന്നാലെങ്കിലും മതിയെന്ന് ...
.
സമര രീതി അങ്ങനെയായിരുന്നെങ്കില് ഒരു പക്ഷെ അവര്ക്ക് ഇതിനെക്കാള് പിന്തുണ ലഭിക്കുമാരുന്നു ...
പക്ഷെ അപ്പോള് ഇത്ര പബ്ലിസിറ്റി ???)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ