സഹപാഠിയും കളിക്കൂട്ടുകാരനുമായ റിയാസ് ആയിരുന്നു റമദാന് നോമ്പിനെറെ പ്രതീകം..
ഉച്ചക്ക് സ്കൂളില് നിന്ന് ചോറുണ്ണാന് പോവാന് അവനുണ്ടാവില്ല.
വിശപ്പിന്റെ കാഠിന്ന്യത്തെ വിശ്വാസത്തിന്റെ ശക്തി കൊണ്ട് തോല്പ്പിക്കുന്ന അവന്റെ മുന്നില് ഞങ്ങള് കുട്ടികള് നിഷ്ക്കളങ്കമായി ഭക്ഷണത്തിന്റെ രുചിയെ പറ്റിപ്പറഞ്ഞു കൊതിപ്പിക്കാന് ശ്രമിച്ചു.
പക്ഷെ അവന്റെ കരുത്തിനു മുന്നില് ഞങ്ങള് എന്നും തോല്വിമാത്രം രുചിച്ചു...
കുഞ്ഞുങ്ങളുടെ മനസ്സറിയുന്ന ഉമ്മമാര് ഞങ്ങള്ക്കും കൊടുത്തു വിടും
സ്നേഹത്തില് പാകം ചെയ്ത തലശ്ശേരിയുടെ സ്വന്തം നോമ്പ്തുറ പലഹാരങ്ങള്...!
പഞ്ഞി പോലുള്ള ഉന്നക്കായും
അരിനിറച്ചു സുന്ദരനാക്കിയ കല്ലുമ്മക്കായും ഇറച്ചി പത്തിരിയും
സ്വര്ണ്ണ മാല തോല്ക്കുന്ന മുട്ടമാലയും പഴം നിറച്ചതും
ഞങ്ങളുടെ വീട്ടിലേക്കും പുഞ്ചിരിച്ചു കൊണ്ട് കയറി വന്നു .
അങ്ങനെ പല ദിവസങ്ങളിലും ഞങ്ങള് നോമ്പേടുക്കാതെ നോമ്പ് തുറന്നു ...
ശവ്വാല് പിറ കണ്ടെന്നു അറിയിച്ചു കൊണ്ട് തക്ബീര് ധ്വനികള് അലയടിക്കുമ്പോള് അത്തറിന്റെ സുഗന്ദവും അകമ്പടിയായി എങ്ങും പരക്കുന്നുണ്ടാവും . പളപള മിന്നുന്ന, നെയ്യില് പൊരിച്ച പുത്തനുടുപ്പുകള് അണിഞ്ഞു കുട്ടികള് എല്ലാവരും ഞങ്ങളുടെ വീട്ടിലക്കും വരും..
“ജോറായിട്ടുണ്ട്” എന്ന് ഞങ്ങള് പറയുമ്പോള് അവരുടെ മുഖത്തെ വിരിയുന്ന സന്തോഷത്തിന്റെ തിളക്കം, അവരണിഞ്ഞ കുപ്പായത്തിന്റെ തിളക്കത്തെ പലപ്പോഴും നാണിപ്പിച്ചു..
ആട് ബിരിയാണിയും കോഴി ബിരിയാണിയും
ഓണപ്പായസത്തിനു മധുര പ്രതികാരം ചെയ്തു കൊണ്ട് വീട്ടിലെത്തും...!!!
വേലികള് കെട്ടി അകറ്റി നിര്ത്താത്ത കരുതലും സ്നേഹവും
ഞങ്ങളുടെ കുഞ്ഞു വയറുകളും നിറച്ചു ....എത്രയോ വട്ടം ..!!!
ആഘോഷങ്ങള്..!! അവ എത്ര മനോഹരങ്ങളാണ് ..!!!!
പലതിന്റെയും പേരില് നമ്മെ വേര്തിരിക്കാന് ശ്രമിക്കുന്നവരുടെ ഇടയിലേക്ക് സഹനത്തിന്റെയും സമര്പ്പണത്തിന്റെയും സന്ദേശവുമായി വീണ്ടുമൊരു പെരുന്നാള് ....!!
.
.
.
എല്ലാവര്ക്കും ഞങ്ങളുടെ പെരുന്നാള് ആശംസകള്..!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ